Mania për Facebookun nuk ka të ndalur; nuk kemi aspak dyshim
se së shpejti secili prodhues i harduerëve do të
pohojë se pajisja e tyre është “e gatshme”
për Facebookun dhe rrjetet tjera shoqërore në internet.
Kështu operatori mobil britanik 3 ka paraqitur pajisjen INQ1,
që është një celular i punuar
veçanërisht për punë me Facebookun.
INQ1 në fakt është një telefon i mençur
standard. Dimensionet e tij janë 97 x 47.6 x 14.4 mm, derisa pesha
110 gramë. Bateria do të mundësojë 329 orë
në pritje dhe 324 minuta bisedë. Ekrani i integruar ka
diagonale prej 2.2 inçësh, kamera është me
rezolucion 3.2 megapiksela, pajisja përmban lidhje HDSPA, derisa
sa i përket memories, në të gjenden 50 MB intern dhe 4
GB ekstern.
Ajo që e dallon INQ1 nga konkurrenca, është softueri i
veçantë i cili do të duhej të lehtësonte
punën me bashkësitë shoqërore dhe shërbimet,
siç janë Facebook, Skype, Windows Live Messenger dhe
Last.FM.
Kjo pajisje do të jetë në shitje vetëm në
Britani të Madhe, dhe atë vetëm me parapagim,
mirëpo është interesante të shihet se rrjetet
shoqërore janë bërë faktor i
rëndësishëm për përdoruesit e sotëm
të internetit; nëse pajisja nuk i mbështet ato, keq i
keni punët.