Robot i cili kryen punët e shtëpisë

Shkencëtarët e Koresë së Jugut kanë njoftuar
të hënën se kanë ndërtuar një robot i
cili mund të vallëzojë, të përgatis
banesën, dhe të lëshojë aroma varësisht nga
“disponimi” i tij.Mahru të cilin e ka konstruktuar
instituti shkencor-teknologjik jugkorean, mund të lëviz me
buzë, vetulla dhe qerpikë, të bëjnë grimasa
dhe gjatë ecjes të lëvizin me gjymtyrët e
sipërme.

"Mahru është paramenduar si robot humanoid i cili mund
të zëvendësoj njeriun në disa punë", thuhet
në deklaratën e udhëheqësit të ekipit të
shkencëtarëve Bum-Jae You.

"Kjo i hap rrugë përdorimit komercial të robotëve
humanoid të cilët mund të kryejnë punët e
shtëpisë", ka shtuar ai.

Mahru është i programuar në atë formë që
të mund të kryej lëvizje të ndryshme njerëzore
falë sistemit për incizimin e lëvizjeve dhe mund të
përdorë duart për të kaluar pengesat e mundshme.

Ekipi i shkencëtarëve e ka përpunuar edhe shtojcën
Mahru-M, të pajisur me detektorë për dallimin e formave
të gjësendeve. Pos kësaj ai mund të zbatojë
edhe urdhra të caktuar.