Është krejt e qartë se duke përdorur celularin
gjatë vozitjes, e madje edhe me përdorimin e
çfarëdo zgjidhje tjetër e cila nuk shtyn
përdorimin e duarve, tërheq vëmendjen e vozitësit,
të cilën gjë e kanë dëshmuar një varg
studimesh shkencore. Tani kompania kanadeze Aegis Mobility paraqet
inovacionin i cili do të duhej që në tërësi
të pamundësojë përdorimin e celularit gjatë
vozitjes.Sipas të dhënave të Zyrës shtetërore
amerikane për sigurinë e trafikut, përdorimi i celularit
gjatë vozitjes në Shtetet e Bashkuara të Amerikës
shkakton shtatë për qind të aksidenteve të
trafikut, e vetëm gjatë vitit të kaluar në trafik
kanë vdekur 41.059 njerëz. Pikërisht për
këtë shkak zyra e përmendur është duke tentuar
të gjej ndonjë mënyrë që kjo statistikë e
zezë të zvogëlohet. Zgjidhja do të mund të
vinte në formë të softuerit për celularë e
quajtur DriveAssistT.
Aplikacioni DriveAssistT 'e di' kur celulari është duke ecur
me shpejtësi automobilistike dhe me këtë i dërgon
sinjal rrjetës mobile/operatorit i cili, megjithatë, bllokon
të gjitha thirrjet hyrëse dhe porositë SMS. Të
gjithë përdoruesve të cilët do të
tentojnë të bëjnë thirrje nga celularët
në lëvizje do tu tërhiqet vëmendja me anë
të një porosie me zë se në atë moment nuk
është e mundur të realizohet thirrja në numrin e
kërkuar.