10 kanale të reja në Ipko Cable TV

Nga data 1 nëntor, klientët e rrjetit televiziv kabllor të IPKO-s do të kenë mundësinë që të informohen dhe argëtohen përmes 10 kanaleve të reja televizive ndërkombëtare.
Dhjetë kanale të reja televizive ndërkombëtare të lajmeve, argëtimit, muzikës dhe programeve për fëmije do t’i shtohen ofertës televizive të rrjetit kabllor televiziv të IPKO (IPKO Cable TV) nga data 1 nëntor, bëhet e ditur në një komunikatë të kësaj kompanie.

Shtimi i këtyre kanaleve pasuron ofertën kabllore të IPKO në 29 kanale televizive, shumica prej të cilave transmetohen ekskluzivisht përmes rrjetit të IPKO-s.

Kanalet e reja që klientët e rrjetit kabllor të IPKO do të mund ti shikojnë nga 1 nëntori janë: BBC, CNN, Cartoon Network, MTV, Rai Uno, Rai Due, VH1, Fashion TV, Travel Channel dhe Rai News 24.

Këto kanale të reja po i shtohen atyre të transmetuara deri më tani që janë: IPKO TV, RTK, KTV, RTV21, 21 Plus, 21 popullore, Rrokum TV, Top Channel, Top Neës, Klan, Top News, My Music, Explorer 1, Explorer 2, Explorer 3, Alsat, Alsat M, Folk + dhe ON TV.

IPKO, po ashtu ka rikonfirmuar synimin e tij për të avancuar në aspektin teknologjik rrjetin kabllor televiziv përmes transmetimit digjital. DigitalTV nga IPKO do të ofrojë tek konsumatoret sinjal televiziv si dhe pamje shumë me kualitative së bashku me një ofertë më të gjerë programore përfshirë këtu edhe ofertën e plotë programore të Digitalb.

Implementimi i transmetimit digjital pritet të filloj në fund të këtij viti.