Në pritje të ndeshjes së nesërme të Ligës
së Kampionëve përballë Romës, trajneri i
Chelseat, Luiz Felipe Scolari, ka pohuar se Nicolas Anelka do të
jetë startues.
“Anelka do të jetë që nga fillimi. Drogba nuk
është i gatshëm për të qenë startues. Ai
mund të luajë 20-25 minuta, aspak më shumë”,
ka thënë trajneri brazilian.
Chelsea deri tash nuk ka pranuar asnjë gol në Ligën e
Kampionëve dhe Scolari beson se kjo është edhe baza e
suksesit.
“Është shumë e rëndësishme të kemi
besim në mbrojtjen, pasi kemi shumë lojtarë të
mirë në sulm dhe në mesfushë, dhe janë
vetëm një ose dy ndeshje në të cilat nuk kemi
shënuar gol. Në Ligën e Kampionëve kemi dy fitore
dhe një barazim dhe besoj se kur kemi një mbrojtje të
mirë, kemi edhe një sulm të mirë”, ka shtuar
Scolari.