Calderon: Fergusoni na xhelozon titujt

Presidenti i Real Madridit, Ramon Calderon, e ka vazhduar luftën e
fjalëve me Alex Ferguson duke thënë se trajneri i
Machester United është xheloz për nëntë titujt
e Ligës së Kampionëve të fituar nga Mbretërit.

Raportet ndërmjet dy skuadrave janë keqësuar që nga
momenti kur Real Madrid insistonte ta rrëmbejë Cristiano
Ronaldon.

“Askujt nuk i kam thënë se do ta angazhoj Cristiano
Ronaldon. Lojtari është ai i cili shprehu dëshirën
të vijë te ne, jo unë”.

“Fergusoni nuk e do skuadrën tonë dhe është
xheloz pse nuk i ka nëntë tituj sikur ne”, ka
thënë presidenti i Los Merengues.