Dëgjimi me zë të lartë i muzikës shkakton humbjen e dëgjimit

Nëntë ekspertë nga Këshilli evropian për
identifikimin e kërcënimeve të reja mjekësore ndaj
njerëzimit kanë konfirmuar atë që mendja e
shëndoshë i thotë secilit pronar të audio
player-ëve, dëgjimi me zë të lartë i
muzikës mund të sjell deri tek dëmtimi serioz i
shqisës së dëgjimit.Personat të cilët
gjatë çdo jave vetëm pesë orë
dëgjojnë muzikë me zë të lartë në
audio player-ët e tyre mobil sigurisht dëmtojnë
përgjithmonë shqisën e tyre të dëgjimit.
Këtë të dhënë e ka publikuar Këshilli
nëntë-anëtarësh shkencor për
kërcënimet ekzistuese mjekësore dhe ato që priten
të vijnë nga zbulimet e mëtutjeshme i cili ka theksuar
se dëmtimet të cilat i bëhen dëgjimit tek personat
e rinj mund të vërehen vetëm në moshë më
të vjetër.

Nga ana tjetër, studimi i njëjtë ka dëshmuar
që dëgjimi i pajisjeve mobile audio mund të jetë
veçanërisht i dobishëm gjatë kryerjes së
punëve të mërzitshme apo atyre që
përsëriten në detyra të caktuara, por ka
tërhequr vëmendjen se dëgjimi i muzikës në
këtë mënyrë mund të jetë potencialisht i
rrezikshëm gjatë kryerjes së punëve që lypin
shumë përqendrim.

Sido që të jetë, sigurisht edhe adhuruesve më
të flaktë të ‘muzikës në
lëvizje” u është e qartë se dëgjimi i
muzikës nuk mund të jetë i mirë për
shëndet, e këtë tash e kanë dëshmuar edhe
shkencëtarët.