Rrjedhin detajet e celularit Nokia E63

Nokia E63 nuk është celular pas së cilit do të
çohet pluhur i madh, bëhet fjalë më shumë
për evoluimin e pritur të serisë E6x. Mirëpo, kjo
nuk nënkupton aspak se nuk bëhet fjalë për një
pajisje të fuqishme.
Nokia E63, si edhe pajisjet tjera të kësaj serie, do të
ketë tastierë të plotë QWERTY, e sipas detajeve
të njohura deri më tani, në të do të jetë
edhe ekrani me rezolucion prej 320 x 240 piksela, lidhjet WiFi,
Bluetooth e UMTS/HSDPA si dhe mundësia e zgjerimit të
memories me anë të kartelave microSD, e të gjitha
këto të paketuara në sistemin operativ Symbian S60.

Pra, një celular me të vërtetë i biznesit, i cili
pikërisht për shkak të dedikimit të tij do të
paraqitet në disa versione të ndryshme, një prej tyre do
të ketë kamerë të integruar, derisa tjetri jo.
Të dhënat tjera dhe çmimi e dalja në treg ende
nuk janë të njohura.